ആറാട്ടുപുഴ ബണ്ട് പുനർനിർമാണ പ്രവർത്തനങ്ങളിൽ ഏർപ്പെട്ടിരിക്കുന്ന ചിത്രം മന്ത്രി വി എസ് സുനിൽ കുമാർ ഇന്നലെ ഫേസ്ബുക്കിൽ പോസ്റ്റ് ചെയ്തിരുന്നു. ഈ ചിത്രം ഉപയോഗിച്ചാണ് ആർഎസ്എസ് വ്യാജപ്രചരണവുമായി രംഗത്തിറങ്ങിയത്.
‘‘പൊലീസ് മേധാവിയോടൊപ്പം രക്ഷാപ്രവർത്തനത്തിൽ ഏർപ്പെട്ടിരിക്കുന്ന ആർഎസ്എസ് കാര്യവാഹക്. പരമാവധി പ്രചരിപ്പിക്കൂ... റീട്വീറ്റ് ചെയ്ത് ദൈവത്തിന്റെ സ്വന്തം നാട്ടിൽ നാം ചെയ്യുന്ന കാര്യങ്ങൾ ലോകത്തെ അറിയിക്കൂ’’ ‐ എന്നായിരുന്നു ചിത്രത്തോടൊപ്പമുള്ള ട്വീറ്റ്.
എന്നാൽ ചിത്രത്തിൽ നിന്നും വി എസ് സുനിൽകുമാറിനെ തിരിച്ചറിഞ്ഞവർ കൈയോടെ പിടികൂടിയതോടെ നുണപ്രചരണം പൊളിഞ്ഞു. കേരളത്തിലെ കമ്മ്യൂണിസ്റ്റ് മന്ത്രിയാണിതെന്നും ആർഎസ്എസിന് പ്രചരിപ്പിക്കാൻ സ്വന്തമായി ഒന്നും ഇല്ലാത്തതിനാലാണ് ഈ ഗതികേടെന്നും പരിഹാസവുമായി സോഷ്യൽമീഡിയ രംഗത്തെത്തിയതോടെ കള്ളപ്രചരണം തിരിച്ചടിച്ചു.
No comments:
Post a Comment