തലശ്ശേരി: ആദായനികുതി വകുപ്പ് ഉദ്യോഗസ്ഥരെന്ന വ്യാജേന വീട്ടിലെത്തിയ ഒരു സംഘം പണം തട്ടിയെടുത്തു. സൈദാര്പള്ളി ജഗന്നാഥ ടെമ്പിള് റോഡ്
ഹുദയില് പി.പി.മജീദിന്റെ വീട്ടിലാണ് പരാതിക്കിടയായ സംഭവം നടന്നത്.
വ്യാഴാഴ്ച പുലര്ച്ചെ മൂന്നു മണിക്കാണ് അഞ്ചു പേര് എത്തിയത്. മജീദും ഭാര്യയും മാത്രമെ അപ്പോള് വീട്ടിലുണ്ടായിരുന്നുള്ളു. ആദായ നികുതി വകുപ്പ് ഓഫീസര്,മൂന്ന് ഉദ്യോഗസ്ഥര്,ഒരു പോലീസ് ഉദ്യോഗസ്ഥന് എന്നിങ്ങനെയാണ് പരിചയപ്പെടുത്തിയത്. പോലീസ് ഉദ്യോഗസ്ഥനെന്ന് പരിചയപ്പെടുത്തിയയാളുമുണ്ടായിരുന്നു. ആദായനികുതി വകുപ്പ് ഓഫീസറെന്ന് പരിചയപ്പെടുത്തിയയാള് തിരിച്ചറിയല് കാര്ഡ് കാണിക്കുകയും ചെയ്തു. മുറികളില് കയറി പരിശോധിച്ച് അരമണിക്കൂറിനകം തിരിച്ചുപോകയും ചെയ്തു. അവര് കൊണ്ടുവന്ന ഒരു ബാഗ് മടക്കി കൊണ്ടുപോയില്ല. ഇത് അന്വേഷിച്ച് വിളിക്കാതിരുന്നപ്പോഴാണ് വീട്ടുടമയ്ക്ക് സംശയമുണ്ടായത്. ഇതേത്തുടര്ന്ന് മുറിയിലെ പഴ്സില് സൂക്ഷിച്ച 25000 രൂപ നഷ്ടപ്പെട്ടതായി മനസ്സിലായത്. പരാതി പ്രകാരം പോലീസ് കേസെടുത്തു. ദീര്ഘകാലമായി മത്സ്യക്കയറ്റുമതി വ്യാപാരിയാണ് മജീദ്
No comments:
Post a Comment